Thursday, March 13, 2014

言论自由到唔知你嗡乜!

言论自由,已达巅峰。

何以见得?一场本应全民同哀既马航失联事件让几乎所有网络用户各自发表意见。尤其係社交网站,愕然发现大家原来都有"秘捞”,譬如话:分析员,记者,教授,评论员等。先勿论大家有无呢个本事担当该责任,小女子发现大家都有个共同点:专制。

言论自由本来就係你同我都有既人权,但系呢个事件,呢班有秘捞既同胞好不约而同甘围剿其他有别于拒地意见既人。当拒地好情绪亢奋甘踩紧有关当局既无能(无错,当局做嘢的确有D甩漏,你发泄情有可原),又或者批评紧点解唔派出果两膄贵到飞起既潜水艇帮忙搜寻(老细,Scorpene Submarine 主要目唔係作为搜寻之用),到取笑果几位''波磨” 喺机场大舞龙风(虽然好笑),一旦有位同胞发表意见,稍微改正下大家既误解而该位同胞之见又同大家唔同的话。。。大家就会突然将枪头/拳头指向该同胞,喺社交网站呢个平台上群殴拒。先弹拒偏帮“郭震”,再问候人地老母。喂,依家係飞机失联,关政治乜事?! 大家发表下意见嗻,洗唔洗去到甘尽?呢件事,令我联想到一套港剧里既角色:舌剑上的公堂。话说荒唐镜之子乃係聋既,但係为咗掩饰,拒从来唔同其他人讲嘢,就算人地提醒拒,拒都係答: “都唔知你嗡乜!下等人!!”
先拒绝你答案,再用字句侮辱你一番。

一个失联事件,衍生出甘多争议。
其实大家係咪应该将焦点摆返喺点先帮到件事,而唔係将件事联想到各种阴谋论?
尤其当呢个事件沦为国际笑料,有小部分既人竟然落井下石,好似好开心甘。唔好忘记,你同我都应该为此笑料附上责任。当大家开始乱share未经证实既文章时,已经为此笑料播下种子。

当权者烂,人尽皆知。如果言论自己未有控制,恐怕都会一样烂。